FOTOLOG

Fotologa, ingelesezko photoblog (argazki bloga esan nahi duena) eta Fotolog.com atariaren izenetik eratorritako hitza da. Argazki bildumetan ez bezala, ohiko fotologetan eguneko argazki bat argitaratzen du erabiltzaileak, eta argazki horri buruzko eta dagokion testuari buruzko iruzkinak egiteko aukera izaten dute oro har gainerakoek.

Fotologek sei ezaugarri nagusi dituzte, eta lehen hirurek zehazten dute modu bateko edo besteko fotologa izatea azken emaitza.

Honako hauek dira Fotolog-aren osagaiak:

-Argazkia: Erabiltzaileak sartzen duen irudia edo argazkia izan ohi da fotolog baten oinarrizko elementua, eta dataren arabera antolatuta egoten dira argazkiak fotologetan.

-Egilearen iruzkinak edo komentarioak.

-Lagunen edota gainerako erabiltzaileen komentarioak.

-Lagun fotologetarako estekak.

-Erabiltzailearen webgune edota esteka gustukoenak.

-Data, edo argazkia argitaratzen den eguna.

Gold Camera, Fotolog-aren sistema bat da non ordaindu ezkero, honako abantailak izan ditzanenak:

-Egunero 6 argazki igo.

-Argazkian, izenburu personalizatua ipini.

-200 komentario argazki bakoitzeko.

-Orrialde nagusian agertu.

-Argazki bat borratu, eta berriz igo 24 orduko epearekin.

-Komentarioetik, biñetak jarri.

-Etab.

FACEBOOK

Facebook Mark Zuckerbergek sorturiko webgune sozial bat da. Harvard Unibertsitateko ikasleentzat sortua izan zen hasiera batean, baina orain mundu guztiari irekia dagoen sare bat da. Erabiltzaile bakoitza bertako sare ezberdinetan ibili daiteke, bere ikasketen araberako, bere bizitokiaren araberako edo bere lanaren araberakoa izan daitekeelarik, beste aukeren artean.

Oso ezaguna bilakatu zen, negozio modelo berri bat zelako, baina iragarkietatik lortzen zituen mozkinak oso onak ez direnez izan, negozio modelo horrek ez du izan uste zen moduko arrakastarik.

2008an goi mailako tituludun jende gehien zuen webgune soziala bilakatu zen, 120 milioi pertsonarekin. Zati handi batean Facebookaren hizkuntza ezberdinetako bertsioak sortzea izan zen horrenbeste jende gerturatzearen arrazoia, urte horretan alemaniarrezko, gaztelanierazko eta frantsesezko bertsioak sortu zituzten eta.

Honako hauek dira facebook-ak eskaintzen dituen zerbitzuak:

-Lagunak: Facebookaren bidez bertan ditugun lagunak aurkitu eta gure zerrendan sar ditzakegu, eta haien zerrendan azaldu.

-Talde eta orrialdeak: Antzeko interesak dituen jendea elkartzeko erabiltzen den erreminta da.

-Horma: Erabiltzaile bakoitzak horma bat du, bere lagunek horma hori ikusi dezakete, baita bertan idatzi ere; lagun batek idatzitakoa beste lagunek ikus dezakete.

-Argazkiak: Erabiltzaile bakoitzak argazkiak igotzeko aukera du, nahiz eta Facebookek argazki "ez egokiak" ezabatzeko eskubidea beretzat gordetzen duen.

-Opariak: Erabiltzaileek beste erabiltzaileei bidali ditzaketen ikono moduko batzuk dira.

MY SPACE

MySpace webgune sozial bat da, milaka erabiltzaileren profilez osatua. Bertan lagun sareak, taldeak, blogak, argazkiak, bideoak, musika eta erabiltzaile arteko mezulari bat aurki ditzakegu. Tom Andersonek sortu zuen eta 2007an 200.623.371 erabiltzaile zituen iada.
Estatu Batuetan izugarrizko arrakasta bilakatu zen sortu zenean, batez ere nerabe eta gazteen artean; ia herritar guztiek ezaguna izateraino iritsi zelarik.

Mundu guztian ezaguna da, baina hemen, Euskal Herrian MySpace musikarako erabiltzen da gehienbat. Musikariek MySpacen dituzten profiletan beraien kantuen erakusgarri moduan kantu batzuk egoten dira MP3 formatuan igota. Erabiltzaile arruntek erakusgarri horiek beraien profiletan jarri ditzakete, beraien profila ikusten ari direnak musika hori entzun dezaten. Musikari berri askok beraien musikari publizitatea egiteko eta saltzeko MySpacea erabili izan dute, famatua izan ala ez doan jar dezaketelako hor beraien kantua, eta milioika pertsonak izango dute hori ikusteko aukera.

MySpacek ezaugarri ugari eskaintzen dizkio bere erabiltzaileei. Hauek dira ezaugarri horietako batzuk:

• Buletinak: Buletinen bidez erabiltzaileek beren lagunei berri edo informazioa bidali ditzake, bakoitzari banaka banaka bidali ordez. Informazio hori 10 bat egun barru ezabatu egiten da.
  

• Taldeak: Tresna honen bidez talde baten kide diren erabiltzaileek orrialde eta mezu taula bat elkarbanatzen dute. Taldearen administratzaileak aukera dezake nor sartzen den eta nor ez.
  

• Aplikazioak: orain dela gutxi, aplikazioak programatzeko interfaze bat jarri zuen, bertan beraien profiletan jar zitzaketen aplikazioak sortzeko.
  

• Beste zerbitzu batzuk:

-MyspaceIM: MySpaceko erabiltzaile izena erabiltzen duen bat-bateko mezularia da. Bertatik MySpaceko mezuak bidali, lagun berriak gehitu eta komentarioak idatzi daitezke.

-MySpaceTV: YouTubeko bideoak elkarbanatzeko zerbitzu moduko bat da.

-MySpaceMobile: Telefono mugikor bidez erabil daitekeen bertsioa da.

-MySpaceNews: RSS bidez berriak jasotzeko aukera ematen duen zerbitzua da. Botazio bidez materia ordenatzeko aukera ere ematen du.

-MySpaceKaraokea: MySpace eta kSolo arteko elkartzea da, erabiltzaileei beraiek grabatutako grabazioak beraien profil orrialdera igotzeko aukera ematen die, eta bere lagunek puntuatu ditzakete grabazio horiek.

-MySpacePolls: Erabiltzaileei botazioak sortzeko aukera ematen die, beraien lagunei botatzeko esan diezaiokete eta gai ezberdinei buruz bozkatu.

- MySpaceSport(Kirolak)
-MySpaceBooks (liburuak)
-MySpaceHoroscopes(Horoskopoak)
-MySpaceJobs (lanpostuak)
-MySpaceMovies (filmak)

TUENTI-a

Tuenti gazteei zuzendu eta web 2.0an oinarritutako lagun-sare bat da. Bertan, tuenti-orri pribatua eskura daiteke izena eman ondoren. Behin tuenti-orria lortuta, mugarik gabe argazkiak igo, norberaren blogean testua idatzi eta besteen tuenti-orrietan edota argazkietan iruzkinak jar daitezke besteak beste.

Tuenti-orriaren pribatutasun-maila aukera daiteke: lagunek bakarrik ikusi ahal izatea, lagunek eta haien lagunek ikusi ahal izatea, edota pertsona guztiek ikusi ahal izatea.
Han, pertsonak oso erraz aurki daitezke: izen-abizenen bidez, duten lana edota doazen eskolaren izena bilatuz, bizilekua bilatuz, martxara irteten diren zonaldeen bidez, lagunen lagunen bidez, e.a.

Tuenti beta pribatu bat da: dagoeneko erregistratuta dagoen norbaitek e-posta bitartez gonbidapen bat bidali behar du bertan sartu nahi izanez gero. Sartzean, 10 gonbidapen ematen dira, Tuenti ez duten beste lagun batzuei gonbidatzeko.

Orain dela gutxi, Chat-a ipini dute eta modu horretara, tuentiaren bitartez, messenger antzera, hitz egin daikete. Norbaitek pertsona batekin hitz egin ez nahi badu, deskonektatzeko aukera du eta pertsona hori blokeatzeko aukera ere.

TUENTI EUSKARAZ

2009ko abenduaren 3tik aurrera, euskarazko, katalanezko eta galizierazko bertsioak ere izango ditu Tuenti sare sozialak.
Tuentiko erabiltzaileek euskaraz nabigatzeko aukera izango dute aurrerantzean. Gainera, sare sozial ezagun honek katalanezko eta galizierazko bertsioak ere izango ditu.
Goizean zehar bezeroen %15k izango du euskarazko bertsioa erabiltzeko aukera, baina, eguna aurrera doan heinean gainerako erabiltzaileengana zabalduko da zerbitzua.
Webeko erremintak euskarara itzultzeaz gain, atari honek erabiltzaileentzako duen laguntza-zerbitzua ere hizkuntza honetan egongo da.
Hiru urtetan espainiar Estatuan zazpi milioi erabiltzaile izatera iritsi da Tuenti eta gaur egun facebookekin lehia bizian ari da sare sozial erabilienarena izateko helburuz.

Sare sozialak

Harremanetarako bide berria agertu da sarean azken aldian eta arrakasta handia izaten ari da. Interneten bidez harremanak sortzeko eta bideratzeko zerbitzuak sortu dira social networking izenburupean. Friendster izan zen honetan aitzindari eta orain sekulako oihartzuna du Orkut zerbitzuak, bitakora egilen eta sektore zehatzen artean batik bat.

Sare sozialak web bidezko topaguneak dira, bertan harpidetza egiten duenak bere profila sortzen du bere datu pertsonalak eta bere gustoko jardueren gaineko informazioa sartuta. Horrela, antzeko joerak dituen jendea erakarriko du eta lagun horiek ezagutu eta onartuz gero elkarrekin gauza asko egin ditzakete. Norberaren helburuen arabera lagunak bazkideak edo bikotekideak topa daitezke. Aisialdiko txangoa, hitzordu erromantikoa edo negozio bat adostu daiteke. Aukera asko dira eta bada jarduera jakin batzuetara bideratutako sare sozialik. Aditu batzuek erabateko garrantzia ematen diote, sareko azken boom-a dela esanez. Beste batzuek uzkurragoak dira baina denek garrantzi handia ematen diete sare sozialei. Googlek ere ikusi du sare hauen garrantzia eta horregatik dago Orkut zerbitzuaren atzean.

Sare hauen funtzionamendua, bakoitzak bere ezaugarri bereziak baditu ere, antzekoa da: izena ematean nork bere zaletasunak adierazi behar ditu eta jada bertan dagoen baten laguna bada, haren adiskideen taldean sartuko da. Esaterako, Friendster famatuan gure lagunak zeintzuk diren ikus dezakegu, baita haien lagunak eta lagunen lagunak ere, baina lau urrats horiek baino urrunago ezin izango gara heldu. Lagun horietako baten lehenengo mailako lagun bihurtzen bagara, harenak ere zeintzuk diren ikusi ahal izango dugu. Orkut-en, antzekoa izanik, gonbidapen bidez sar gaitezke soilik, bertako batek gonbidatuta. Gogoan izan behar dugu trusted members community bat dela, elkar ezagutzen duten bizilagunez edo ezagunen ezagunez osatutako kideen komunitatea.